Фернандеш бу борада АПЛда етакчи

"Манчестер Юнайтед" ярим ҳимоячиси Бруно Фернандеш сўнгги пайтларда танқидларга учрамоқда. Португалиялик футболчи ўзининг хатти-ҳаракати учун танқид қилинди, Англиядаги баъзи экспертлар ҳатто Эрик тен Хагни Фернандешдан сардорлик боғичини олишга чақиришди.

Танқидлар фонида Брунонинг ўйин фазилатларини қайд этмасликнинг иложи йўқ. "Squawka" нашри мутахассисларининг хабар беришича, жорий премьер-лигада Бруно ўйинда яратилган имкониятлар бўйича энг яхши футболчи. Португалиялик шериклари учун 60 та имконият яратган.

Эслатиб ўтамиз, Тен Хаг шогирдлари навбатдаги ўйинини 9-март куни "Реал Бетис"га қарши ўтказади.