Фернандеш "Манчестер Юнайтед"га 100-маротаба фойда келтирди

"Манчестер Юнайтед" Англия Премьер-лигасининг 7-туридан ўрин олган қолдирилган ўйинни "Кристал Пэлас"га қарши ўтказди. Учрашув 1:1 ҳисобида дурранг натижа билан якунланди.

Ушбу учрашувда "қизил иблислар"нинг португалиялик ярим ҳимоячиси Бруно Фернандеш иштирок этиб, гол урди. "Squawka" порталининг хабар беришича, бу сермаҳсул ҳаракат Фернандеш учун манкунианликлар сафидаги юзинчиси бўлди.

Ярим ҳимоячи 2020 йилнинг январида Спортинг"дан 55 миллион эвро эвазига кўчиб ўтганди.
Эслатиб ўтамиз, Англия Премьер-лигасининг жорий мавсумида Фернандеш 18 та ўйин ўтказиб, 4 та гол ва 3 та голли узатмани амалга оширди.