Фернанду Сантуш: "Роналду Португалияни Жаҳон чемпиони қилишни истайди"
Португалия терма жамоаси бош мураббийи шогирди Криштиану Роналду ҳақида ўз фикрларини билдириб ўтди.
"Терма жамоага чақирилган барча футболчилар сингари Роналду ҳам жамоанинг Жаҳон чемпиони бўлишини истайди. У доим ғалабага чанқоқ бўлиб келган ва шу сабаб юқори чўққида бўлиб келган.
1 ой олдин унинг қандай формада экани мени қизиқтирмайди. Шундан сўнг Криштиану 4 та баҳсда иштирок этди", - деди Португалия бош мураббийи.
Маълумот ўрнида, эртага Жаҳон чемпионати ўйинларига старт берилади. Очилиш баҳсида мезбон Қатар Жанубий Америка қитъасидан келган Эквадор термаси билан куч синашади.
Фикрлар