Ферран Торрес "Барселона"ги келажаги борасида қарор қабул қилди

"Барселона" ярим ҳимоячиси Ферран Торрес жамоада қолишни истамоқда ва ҳали-бери кетиш нияти йўқ. Бу ҳақда италиялик инсайдер Фабрицио Романо маълум қилди.

Эслатиб ўтамиз, аввалроқ Каталония клуби раҳбарияти Торреснинг жорий мавсумдаги ўйинларидан ҳафсаласи пир бўлгани ҳақида хабарлар тарқалган эди. Жамоа уни бир йил аввал "Манчестер Сити"дан 55 миллион эвро евазига харид қилганди ва ҳозир ундан қутулишга қарши эмас.

22 ёшли "кўканорранглилар" аъзоси жорий мавсум Ла Лиганинг 15 баҳсида иккита гол урди. Яқинда испаниялик футболчи "Атлетико Мадрид" билан ўйинда қизил карточка олганди ва шу боис у чемпионатнинг навбатдаги икки учрашувини дисквалификация туфайли ўтказиб юборади.