ФИФА "ЖЧ-2026"да иштирок этадиган футболчилар учун клубларга қанча пул тўлаши маълум

ФИФА 2026 йилги Жаҳон чемпионатида иштирок этадиган футболчилар учун клубларга йирик миқдорда компенсация пули тўлашни режалаштирмоқда.

El Partidazo de COPE нашри журналисти Мельхор Руиснинг маълум қилишича, ҳар бир футболчи учун клубларга кунига 9 минг евродан ортиқ маблағ ажратилади.

Тўловлар нафақат футболчининг шартномасига эгалик қилаётган клубга, балки уни ижара асосида ўз сафида ўйнатаётган жамоаларга ҳам берилади.

Маълумот учун, АҚШ, Канада ва Мексикада ўтадиган Жаҳон чемпионати 11 июндан 19 июлгача давом этади ва турнир умумий ҳисобда 38 кунга чўзилади