ФИФА The Best тантанали маросимини бекор қилди, "Олтин тўп"чи?
Ҳаммаси бирин-кетин барбод бўлмоқда.
ФИФА бу йил The Best FIFA Football Awards анъанавий тақдирлаш маросимини ўтказмайди. Бу ҳақда Marca нашри хабар тарқатмоқда.
Унга кўра, коронавирус билан боғлиқ вазият туфайли 2020 йилда The Best мукофоти топширилмайди. Таъкидлаш керакки, бу йил ФИФА шаъфелигидаги фақатгина битта мусобақа ҳозирча қолдирилмади холос. Бу ҳам бўлса, декабрь ойида ўтказиладиган Клублар ўртасидаги жаҳон чемпионатидир.
“Олтин тўп” соврини ҳақида гапирадиган бўлсак, France Football нашри ҳозирча бу борада бирон бир янгилик эълон қилмади.
The Best соврини 2019 йилда “Барселона” форварди Лионель Мессига берилган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар