Филипе Луис "Лион"га ўтиши мумкин

Мадриднинг "Атлетико" клуби ҳимоячиси Филипе Луис фаолиятини Франция чемпионатида давом эттириши мумкин.

Yahoo Sports нашри тарқатган хабарга кўра 33 ёшли бразилиялик футболчининг хизматларига "Лион" клуби қизиқа бошлаган. Таъкидлаш керакки, унинг “матрасчилар” билан амалдаги шартномаси 30 июнь куни ўз ниҳоясига етади ва шу боис у янги жамоасига эркин агент сифатида бориб қўшилиши мумкин.

Эслатиб ўтамиз, бундан аввалроқ Филипе Луис келажак фаолияти ҳақида Америка кубогидан сўнг бир қарорга келиши ҳақида хабарлар тарқалган эди.

Маълумот учун, Луис ўтган мавсум “Атлетико” сафида 32та ўйинда иштирок этди ва ўз ҳисобига 2та гол ҳамда 3та голли узатма ёздириб қўйишга эришди.

Фикрлар

Фикр қолдириш учун авторизациядан ўтинг!