Филипп Лам: Спорт бу сиёсат

Германия терма жамоасининг собиқ футболчиси Филипп Ламнинг халқаро спорт ташкилотлари ва касаба уюшмаларини ножўя хатти-ҳаракатлари учун қоралаган баёноти эълон қилинди. Унинг фикрича, бугунги кунда сиёсат муайян қарорлар қабул қилишда етакчи ўринни эгаллайди.

“Спорт бу сиёсат. Олимпиада Пекинда, жаҳон чемпионати Қатарда ўтказилади. Бу ҳудудлардаги муаммолар ҳақида эса ҳамма билади. Мен Германиядек демократик давлатда туғилиш бахтига муяссар бўлдим. Ўйлайманки, футболчилар қандайдир вазиятларни ўзгартиришлари мумкин. Улар машҳур инсонлар ва таъсир кучига эга", - деди германиялик футбол юлдузи.

Эслатиб ўтамиз, Қатар бир неча бор инсон ҳуқуқлари бузилгани учун танқид қилинган. Ҳатто айрим футбол ассоциациялари Дания терма жамоаси каби жаҳон чемпионатининг ушбу мамлакатда ўтказилишига очиқчасига қарши чиқди.