"Фиорентина" директори: "Риберига Россия клублари таклиф қилаётгандек маош бера олмаймиз"

"Фиорентина" клуби директори Даниэле Праде клуб "Бавария"нинг собиқ футболчиси Франк Риберига қизиқиш билдиргани, аммо кўп маош бера олмаслигини таъкидлади.

"Биз Риберига қизиқиш билдирмоқдамиз. Лекин у бошқа вариантларни кўриб чиқмоқда. Франкга Россия ва Араб мамлакатларидан тушаётган таклиф каби маош бера олмаймиз.

Агар у юқори даражада футбол ўйнашни давом эттиришни хоҳласа биз уни кутамиз," - деди директор.

Эслатиб ўтамиз, 36 ёшли футболчига "Локомотив" ва "Динамо" клублари қизиқиш билдираётган эди.