Фирдавс Ҳасановнинг навбатдаги жанг санаси ва рақиби маълум бўлди

24 июнь куни АҚШнинг Мичиган штатида ҳамюртимиз, ММА жангчиси Фирдавс Ҳасанов навбатдаги жангини ўтказади.

Махаллий "Clip MMA" промоушени томонидан ташкил этилаётган ушбу кечада юртдошимиз мезбон Крис Жонсонга (7-14) қарши октагонга кўтарилади. Фирдавс Ҳасанов бир неча йиллардан буён океан ортида фаолият юритиб келмоқда. Унинг профессионал рекорди 8-4 кўриниш олган. Аслида, кўрсаткичларни қайд этиб борувчи нашрларда 6-4 дея кўрсатилган бўлса-да, юртдошимиз 8 та жангда ғалаба қозонган.

Маълумот учун, ушбу жанг кечасида яна бир юртдошимиз Бобур Тагиев ҳам жанг қилади. У ҳам америкалик Майк Жонсонга қарши октагонга кўтарилади.