Фитна жазосиз қолмайди. “Реал” раҳбарлари Рамосга қарши!
Серхио Рамоснинг “Реал”да келажаги йўқ, деб хабар бермоқда испан нашрлари.
Тез орада шартномаси якунланадиган 35 ёшли ҳимоячи клуб билан янги битим бўйича келиша олмагани етмаганидек, жамоадошларини маошларини 10 фоизга қисқартирилишига кўнмасликка чақиргани вазиятни янада оғирлаштирди.
Рамоснинг бу “қилиғи” клуб хўжайини Флорентино Переснинг ғазабини қўзғаган.
“Қироллик клуби” молиявий инқироздан қутилиш учун маошларини пасайтирмоқчи. Рамос эса раҳбарият бор футболчиларнинг маошидан кесиб, тежалган маблағни Килиан Мбаппенинг трансфери учун сарфлашни режа қилишаётганини уқтирмоқда.
Энди “Реал” Рамосдан бутунлай воз кечади. Уни ўрнини яқинда “Бавария”дан Мадрид клубига ўтган Давид Алаба эгаллайди.
Comments