Флик ашаддий рақиб “Реал”га Хаби Алонсо келганига муносабат билдирди

“Барселона”ни Испания чемпионига айлантирган германиялик мутахассис Ханс-Дитер Флик Бундеслигада ишлаган Хаби Алонсонинг ашаддий рақиб – “Реал”га бош мураббий этиб тайинланганига муносабат билдирди.

- Хаби Алонсони Мадридга келиши ҳайратланарли нарса эмас. Мен уни яхши биламан. У билан гаплашдим ҳам.

Мен Хаби Алонсонинг ўйин фалсафасини яхши биламан, ҳаммамиз унинг Германияда эришган муваффақиятларини кўрдик.

Унинг “Байер”даги мавқеи юқори эди. Алонсо кўп ўйинчиларнинг даражасини кўтара олди. Бу ерга келгани менга жуда ёқди, - деди Ханс-Дитер Флик.

“Реал” клуби расмий сафти орқали Хаби Алонсо жамоа бош мураббийлигига тайинланганини ва испаниялик мутахассис билан 2028 йилнинг 30 июнига қадар шартнома имзоланганини эълон қилди.

Хаби Алонсо 1 июндан иш бошлайди. 15 кундан кейин эса, унинг бошқарувидаги жамоа АҚШда бошланадиган клублар ўртасидаги жаҳон чемпионатига киришади.