Флик "Барселона" билан шартномани узайтиришга рози бўлдими?

Ханс-Дитер Флик "Барселона" билан шартномани узайтиришга розилик билдирди.

Янги келишув 2028 йилгача мўлжалланади ва яна бир йиллик опцияни ўз ичига олади. Қўшимча мавсум автоматик тарзда фаоллаштирилади, агар 2027/28 мавсуми якунида ҳар икки томон ҳамкорликни давом эттиришга рози бўлса.

Маълум қилинишича, Флик янги шартномани "Барселона" Ла Лига чемпионлигини расман қўлга киритганидан сўнг имзолайди. Жамоа ҳозирда мусобақа жадвалида 5 тур қолган бир пайтда 11 очколик устунлик билан пешқадам бўлиб турибди.

Амалдаги шартнома 2027 йилда якунланади. Қайд этилишича, клуб дастлаб мураббий билан келишувни 2029 йилгача узайтиришни истаган. Бироқ Германия терма жамоасининг собиқ бош мураббийи ўзини қулай ҳис қиладиган қисқароқ муддатли шартномани афзал кўрган.