Flik «Barselona» uchun yangi hujumchi tanladi

«Barselona» bosh murabbiyi Hans-Diter Flik jamoaga yangi hujumchi olib kelishni rejalashtirmoqda. Bu haqida El Nacional nashri xabar berdi.

Manbaga ko‘ra, nemis mutaxassisining «Manchester Yunayted» hujumchisi Benyamin Sheshkoga bo‘lgan qiziqishi tobora ortib bormoqda. Sloveniyalik futbolchi 2025 yildan buyon «qizil iblislar» sharafini himoya qilmoqda. U jamoaga «RB Leyptsig»dan ko‘chib o‘tgan.

Benyamin Sheshko «Manchester Yunayted» safida 38 ta uchrashuvda maydonga tushib, 14 ta gol urdi va bir bor golli uzatmani amalga oshirdi. Transfermarkt portali futbolchining transfer qiymatini 75 million yevroga baholamoqda.