Флик "Барселона"да қолмоқчи — янги шартнома келишуви бор

Ханс-Дитер Флик катта эҳтимол билан "Барселона" бош мураббийи сифатида фаолиятини давом эттиради.

"Catalunya Radio" маълумотига кўра, немис мутахассиси ва Каталония клуби шартномани 2027/28 мавсум охиригача узайтириш бўйича оғзаки келишувга эришган.

Ҳозирги амалдаги келишув 2027 йил 30 июнгача мўлжалланган.

Флик 2024 йил ёзида "Барселона"ни қабул қилиб олган эди. Унинг қўл остида жамоа икки марта Испания Суперкубоги, бир марта Испания Кубоги ва бир марта Ла Лига чемпионлигини қўлга киритди.

Ҳозирги мавсумда "Барселона" Ла Лигада пешқадамлик қилмоқда. Жамоа 31 турдан сўнг 79 очко тўплаган ва иккинчи ўриндаги "Реал"дан 9 очко олдинда бормоқда.