Флик Бастони трансферини блоклагани сабаби очилди

Италия чемпиони “Интер” ҳимоячиси Алессандро Бастонининг “Барселона”га трансфери амалга ошмади, чунки каталонияликлар бош мураббийи Ханс-Дитер Флик 27 ёшли футболчи номзодини маъқулламаган.

Томонлар бу трансфер бўйича анча вақт музокара олиб борган эди. Бу ҳақда Sport.es сайти журналист Маттео Мореттога таяниб хабар берди.

Манба маълумотига кўра, немис мутахассиси Бастонининг техник хусусиятлари юқори интенсивлик ва кучли прессинг остида тўлиқ ўйнаш имконини беришига шубҳа қилмоқда.

Шу сабабли “Барселона” спорт директори Деку бошқа вариантларни ўрганишни бошлаган.

Аввалроқ, Маттео Моретто Ханси Флик Бастонининг сифатларини баҳолаётганини хабар қилган эди. Шунингдек, испан матбуоти италиялик футболчининг Каталония клубига трансфери 50-60 миллион евро атрофида бўлиши мумкинлигини ёзган.