Флик: "Левандовски яна ишонч билан ўйнаяпти"

"Барселона" бош мураббийи Ханс-Дитер Флик ҳужумчи Роберт Левандовскининг шартномаси ва унинг сўнгги ўйини ҳақида фикр билдирди.

"Ҳозирча унинг келажаги ҳақида гапиришга эрта. Ҳамма унинг вазиятини яхши билади. Мен бошқа, ижобийроқ Робертни кўрдим. У жароҳатдан кутилгандан анча эртароқ қайтди. Бу унинг ишончи учун яхши, бу эса биз учун муҳим.

У бугун учта гол урди. Шунингдек, ўтган мавсумда ҳам жамоа учун жуда муҳим футболчи бўлган", — дея таъриф бериб ўтди германиялик мутахассис.

Эслатиб ўтамиз, Левандовски кеча "Сельта"га қарши учрашувда (4:2) хет-трик қайд этди.