Флик Ямалнинг “Эль-Класико”да иштирок этиши номаълум эканлигини айтди

"Барселона" бош мураббийи Ханси Флик Ламин Ямалнинг жароҳати ҳақида фикр билдирди.

Маълумки, "Барселона" вингери жароҳати сабабли 2–3 ҳафта давомида сафдан чиқди ва шу боис Испания терма жамоасининг навбатдаги ўйинларини ҳам ўтказиб юборади.
Флик эса Ямалнинг олдинги халқаро танаффус пайтида ҳам жароҳат билан ўйнаганидан норози эканини очиқ айтди.

"Биз унинг қачон қайтишини билмаймиз. Бу осон жароҳат эмас, мушак билан боғлиқ эмас. У икки, уч ёки тўрт ҳафтада тикланадими — билмайман. “Эль-Класико”га улгура оладими, бу ҳам номаълум. Ҳозирча у мутахассислар билан ишламоқда ва биз жараённи кузатамиз", -- деди мутахассис.

Ламин Ямал ҳозирча тикланиш жараёнида бўлиб, “Барселона” уни “Эль-Класико”га етказишга умид қилмоқда.

Маълумот учун, каталонияликлар Ла Лиганинг 8-турида “Севилья”га қарши майдонга тушади. Учрашув эртага Тошкент вақти билан 19:15 да старт олади.