Флик: Янада яхшироқ бўлишга ҳаракат қиламиз

Ханс-Дитер Флик "Барселона" - "Реал Сосьедад" учрашуви ҳақида фикр билдирди. 

"Дарвозамиз дахлсизлигини сақлаш жуда муҳим эди. Биз ҳафта давомида бу ҳақда кўп гаплашдик. 

Ҳаммамиз жуда яхши ишлаяпмиз. Агар биринчи бўлимда бироз тартиблироқ ҳаракат қилганимизда, кўпроқ гол уришимиз мумкин эди. 

Йигитлардан, айниқса Жерар Мартиндан жуда хурсандман. Бу муҳим қадамдир. Левандовскининг голи? Ҳужумчилар учун гол уриш доим муҳим. Унга бироз омад кулиб боқди. Мен бундан хурсандман. 

Ҳар бир учрашувдан сўнг янада яхшироқ бўлишга ҳаракат қиламиз ва буёғига ҳам шундай қилишда давом этамиз", - деди "кўк-анорранглилар" устози.