Флорентино Перес: "Биз клубга ҳақиқий афсонани олиб келдик"

"Реал Мадрид" президенти Флорентино Перес ҳимоячи Трент Александр-Арнольднинг трансфери ҳақида фикр билдирди. Эслатиб ўтамиз, футболчи бугун тиббий кўрикдан ўтди ва клуб билан шартнома имзолади. Англиялик футболчи Мадридда афсонавий Марсело ўйнаган 12-рақам остида тўп суради.

"Биз ҳақиқий афсонани қўлга киритдик. Трентнинг трансфери билан орзуйимиз рўёбга чиқди. У дунёдаги энг буюк клуби – "Реал Мадрид" сафида ўйнашга қарор қилди. Бизнинг "Ливерпуль" билан алоқаларимиз жуда яхши, улар бизнинг азиз дўстларимиз", – деди Перес матбуот анжуманида.

"Ливерпуль" сафида 8 мавсум ўйнаган Трент Александр-Арнольд икки марта Англия Премьер-лигасида ғолиб чиқган ва бир марта Чемпионлар лигасини қўлга киритган. Шунингдек, унинг жамоаси энг нуфузли Европа мусобақаси – Чемпионлар лигаси финалида икки марта айнан "Реал Мадрид"га ютқазган.