Флорентино Перес: “Негрейра иши бўйича УЕФА учун 600 саҳифалик ҳужжат тайёрлаяпмиз”

“Реал Мадрид” президенти Флорентино Перес “Негрейра иши” бўйича йиғилган материаллар УЕФАга юборилишини маълум қилди.

“Биз УЕФАга юбориш учун 600 саҳифалик ҳужжат тайёрлаяпмиз. Футбол тарихида бундай ҳолат ҳали бўлмаган. Ҳакамлар техник қўмитаси раҳбари бу ҳақда унутиш кераклигини айтмоқда. Лекин қандай қилиб унутамиз?

“Реал” аъзолари мени Негрейра ва бошқаларга қарши курашда қўллаб-қувватлаяпти. Бу ерда фақат “Реал” эмас, бошқа клублар ҳам жабр кўрган. “Барселона” эса доим фойда олган. Кўрамиз, УЕФА аралашадими-йўқми. Менимча, албатта аралашади.

20 йил давомида коррупция гумони билан тилга олинган клубга нисбатан чора кўрилмаслиги мумкин эмас. Бу иш жиноий ва спорт томонидан қандай якун топишини кўрамиз.

Мен бу ерда ҳакамлар “Барселона” ҳисобига бойиши учун ўтирганим йўқ”, — деди Перес.