Флориан Вирц Бундеслигада январь ойининг энг яхши футболчиси

"Байер" ярим ҳимоячиси Флориан Вирц Бундеслиганинг январь ойидаги энг яхши футболчиси деб топилди.

21 ёшли футболчи овоз беришда "Бавария" аъзоси Жошуа Киммих ва Майкл Олисе, "Лейпциг" футболчиси Вилли Орбан ва Хави Симонс ҳамда "Вердер" футболчиси Романо Шмидни ортда қолдирди. Флориан Вирц январь ойида Германия чемпионатининг тўртта учрашувида қатнашиб, иккита гол ва учта голли узатмани амалга оширди.

Леверкузенликлар етакчиси жорий мавсумдаги барча турнирларда Алонсо жамоасида 34 та ўйин ўтказиб, 15 та гол урди ва 12 та голли узатмани амалга оширди. "Байер" Бундеслига турнир жадвалида "Бавария"дан 8 очко ортда қолган ҳолда иккинчи ўринда бормоқда. Жамоалар 15 февраль куни ўзаро ўйнайди.