Fors ko‘rfazi kubogi. Masharipov jamoasi final yo‘llanmasi uchun o‘ynaydi

Bugun Birlashgan Arab Amirligining bir qator klublari Fors ko‘rfazi kubogining yarim final javob uchrashuvlarini o‘tkazadi. Shu jumladan, hamyurtimiz Jaloliddin Masharipov to‘p tepayotgan "Shabab Al-Ahli" klubi o‘z maydonida "Al-Vasl"ni mehmon qiladi.

Dastlabki o‘yinda dubayliklar 2:0 hisobida zafar quchgandi. O‘sha o‘yinda Aziz G‘aniev o‘z nomiga assist yozdirib qo‘ygandi. Legionerimiz jarohati sababli javob bahsini o‘tkazib yuboradi.

Bellashuv Toshkent vaqti bilan 21:15 da bo‘lib o‘tishi rejalashtirilgan.