Франция терма жамоаси йўқотишлар гирдобидан чиқмоқда
Франция терма жамоаси марказий ҳимоя чизиғи вакиллари Рафаэль Варан ва Ибраима Конате машғулотларга қайтди. Кингсли Коман эса ҳамон ўз хонасида қолмоқда ва у ҳали соғаймади. Бу ҳақда "L'Équipe" нашри хабар берди.
Кечаги 16 декабрь кунги машғулотларда "уч ранглилар"нинг беш нафар футболчиси иштирок этмаганди.
Аввалроқ, францияликлар касаллик тарқалишини олдини олиш чораларини кўриб, жамоа яшаётган меҳмонхонанинг барча ходимлари ниқоб тақиб юришлари ва ошхоналарда антисептик геллар қўйилишини мажбурий этиб белгиланганди.
Эслатиб ўтамиз, Дидье Дешам шогирдлари 18 декабрь куни ўртага Жаҳон чемпионати кубоги тикилган ўйинда Месси бошлиқ Аргентина терма жамоасига қарши баҳс олиб боради.
Фикрлар