Франция терма жамоаси юлдузи АПЛга кўчиб ўтиши мумкин
"Интер" ҳужумчиси Маркюс Тюрам фаолиятини Англия Премьер-лигасида давом эттириши мумкин.
Хабарларга кўра, Миланнинг "Интер" клуби форварди Маркюс Тюрам Англия Премьер-лигаси вакилларининг радарига тушган. Айни вақтда айнан қайси клуб унинг хизматларига қизиқаётгани ошкор қилинмаган. Бироқ келаётган ёзда катта эҳтимол билан француз футболчиси Англияга кўчиб ўтади. Бу ҳақида таниқли инсайдер Фабрицио Романо маълум қилган. Музокаралар Жаҳон чемпионатидан сўнг бошланиши кутилмоқда. Маркюснинг "нерадзуррилар" билан амалдаги шартномаси 2028 йилнинг ёзида якунига етади. "Трансфермаркт" портали футболчини 60 миллион еврога баҳоламоқда.
Маълумот учун, 28 ёшли страйкер жорий мавсумда умумий 31та учрашувда майдонга тушиб, 12та гол ва 5та ассистгни ўз ҳисобига ёздириб қўйган.
Фикрлар