Францияда мавсумнинг эрта якунлангани қатарлик мухлислар фойдасига хизмат қилиши мумкин

Франция чемпионатида мавсум муддатидан аввал якунланганидан хабарингиз бор. Шу боис, Лига 1 да тўп сурувчи айрим жамоалар янги мавсумдаги расмий учрашувлар олдидан июлда Қатарда кичик турнир ташкил этмоқчи.

RTL нашрининг хабар беришича, ўртоқлик мақомида ўтказиладиган ушбу турнирда ҳозирча ПСЖ, «Лион», «Лилль», «Сент-Этьен» клублари иштирок этиш истагини билдирган ва бу жамоалар айни дамда мусобақа масаласидаги музокараларни давом эттиришмоқда.

Турнирнинг барча ўйинлари пойтахт Доҳа шаҳрида бўлиб ўтади. Аммо, ҳозирча Қатар чегаралари хорижликлар учун ёпиқ. Июль ойига бориб эса вазият ўзгариши мумкинлиги тахмин қилинмоқда.