Французлар Бенземани унутмайди

Карим Бензема Испания чемпионатида рақиблар дарвозасини 27 маротаба ишғол қилиб, Ла Лига тўпурари бўлди. Шу билан бирга Бензема Испания чемпионатида энг кўп гол урган биринчи франциялик футболчи сифатида тарихдан жой олди.

Испания чемпионатининг энг моҳир тўпурарларидан бўлган франциялик Антуан Гризманн ҳам ҳеч қачон Ла Лига тўпурари бўлмаган. Унинг энг сермаҳсул мавсумларида Криштиану Роналду ва Лионель Месси ундан ўзиб кетаверган.

Мана энди Роналду ҳам, Месси ҳам иштирок этмаган чемпионатда Карим Бензема ўзини кўрсатди.

Бензема “Реал”да 2009 йилдан бери тўп тепмоқда. Тажрибали форвард 2018 йили жамоани Криштиану Роналду тарк этганидан кейин асосий тўпурарга айланиб олди.