Футбол тарихидаги энг зўр ҳужумкор ярим ҳимоячилар эълон қилинди

"Give Me Sport" мутахассислари футбол ишқибозлари учун навбатдаги қизиқарли рейтингни тақдим этишди. Бу сафар рейтинг тарихдаги энг яхши ҳужумкор ярим ҳимоячиларга бағишланган. Рейтингни тузишда футболчиларнинг эришган ютуқлари, тўп билан ишлаш маҳорати ва умумий ўйин қобилиятлари ҳисобга олинган.

Биринчи ўринда афсонавий Диего Марадона жойлашган. Эслатиб ўтамиз, Марадона 2020-йил ноябр ойида вафот этган, аммо унинг номи ҳануз футбол тарихидаги энг ёрқин саҳифаларда битилган. 1986-йилда у Аргентина терма жамоасини Жаҳон чемпионатида ғалабага олиб келган.

Иккинчи ўринни француз футболи афсонаси Зайниддин Зидан эгаллади. Зидан футбол майдонида нафақат маҳорати, балки лидерлик фазилатлари билан ҳам машҳур бўлган. Учинчилик эса Голландиянинг буюк футболчиси Йохан Кройффга насиб этди. У нафақат ўзининг ўйин услуби, балки футбол фалсафасига қўшган улкан ҳиссаси билан ҳам танилган.

Рейтингнинг қолган қисмини Андрес Иньеста, Бобби Чарлтон, Мишель Платини, Руд Гуллит, Кевин де Бруйне, Зико ва Микаель Лаудруп каби футболчилар тўлдирди.