Футболчи қизлар. Диёра Хабибуллаева нега Европа клублари таклифини рад этган?

  "Футболчи қизлар" мақолалар тўпламининг навбатдаги қаҳрамони Ўзбекистон Аёллар Олий лигасининг амалдаги чемпиони "Сўғдиёна - W" клуби ҳужумчиси Диёра Хабибуллаева.
   1999 йил 15 сентябрь куни Сирдарё вилояти, Сайхунобод туманида туғилган Диёра ёшлигида аёллар футболи Сирдарёда ривожланмаганлиги сабабли воллейбол спорт тури билан шуғулланган. Қолаверса, Ўзбекистондаги гранд клублардан бири "Севинч" ҳам бу вилоятдан жуда узоқ бўлган. Мактабда ўқиб юрган вақтида футболга қизиққани туфайли аёллар клублари ҳақида маълумотлар йиға бошлайди ва бир куни "Металлург -W" ҳақида эшитиб қолади. Оила аъзоларининг розилигини олиб Тошкент вилояти жамоасида шуғулланишни бошлайди. 17 ёшида Шерали Бобоқулов қўл остида майдонда кўриниш беради.

   Футболчилик фаолияти
Eldor Shomurodov O'zbekistonda yilning eng yaxshi futbolchisi bo'ldi –  Gazeta.uz

  2016 йилда бекободликлар жамоасига келиб қўшилган ҳужумчимиз 2017 йилда клуб билан чемпионликни нишонлайди. Жамоадаги яхши хулқи ва тезкор ҳужумчилиги туфайли 2019 йил мураббий Шерали Бобоқулов ўзи таклиф олган "Сўғдиёна - W" клубига шогирдини ҳам олиб кетади. Ўша йиллар Диёра Хабибуллаева Аёллар Олий лигасида тўпурарлар жадвалида етакчиликка эришади. Қаторасига 3 йил "Йилнинг энг яхши аёл футболчиси" совринига даъвогарлик қилади. Ваниҳоят, 2021 йилда у энг яхшилар қаторида эътироф этилади. Бунда нафақат лигадаги ажойиб ўйинлари, балки терма жамоа сафидаги хизмати ҳам алоҳида таъкидланади.
   Трансфер масалалари
Ayollar Oliy ligasi. “So'g'diyona” oltin, “Bunyodkor” esa kumush medallar  bilan taqdirlandi

  Ўзбекистонда аёллар футболини жуда оммалашган деб айта олмаймиз. Аммо Европа клубларидан иқтидорли футболчиларимизга таклифлар бўлишини ҳеч бир мутахассис рад этмайди. Жумладан, йилнинг энг яхши футболчиси Диёра ҳам турли жамоалардан келган таклифлар ҳақида айтиб ўтган, лекин уларнинг номини ошкор қилмаган. У барча таклифларни рад этган ва бугун у биринчи мураббийи билан Жиззах вилояти шарафини ҳимоя қиляпти. Барчага маълумки, "Сўғдиёна - W" хусусий клуб ва айни вақтда юртимиздаги "энг бой" жамоа ҳисобланади. Шу туфайли, футболчиларга яхши шароит яратилган ва етарлича маош тўланади. Чемпионатдаги энг кучли қизлар ҳам айнан жиззахликлар сафига жалб қилинган. Шундан билишимиз мумкинки, Европа жамоаларини рад эта олиш даражасида қулайликалар бор ва бу Диёранинг даражасини ўсишида етарли.
   "Энг яхши футболчи" қанча маош олади?
Ayollar Oliy ligasi-2021 raqamlarda. Eng yirik hisob qaysi o'yinda qayd  etilgan?

  Аввалроқ айтганимдек, футболчи қизлар қанча маош олиш ҳақидаги саволларга "шартномамизда ошкор қилмайди деган банди бор" деб қутилиб қолишади. Мамлакатимизда аёллар футболи оммалашмаганлиги сабабли ҳозирча ҳеч бир футболчи реклама ёки ижтимоий тармоқдаги саҳифаси орқали фойда топмайди. Асосий даромади клубдан оладиган маоши. Футбол "одамлари" орасида юрган гапларга кўра "Сўғдиёна - W" клубида футболчиларга 10 миллион сўм атрофида маош берилади (премия ва кўтарма пуллардан ташқари).
   Статистика
FC Sogdiana Women - Posts | Facebook
  Жорий мавсумнинг 11 тури ортда қолди ва ҳужумчи 20та гол уриб тўпурарлар жадвалида 1-ўринни эгаллаб турибди. Статистикани эшитиб бироз ҳайрон бўлишингиз мумкин, бу табиий ҳолат. Сўғдиёна 1-давра учрашувлари доирасида "Металлург - W" ни 11:1, "Локомотив - W" ни эса 8:0 ҳисобида мағлуб этган. Ҳа, аёллар футболида мана шундай ҳисоблар жуда кўп учрайди.

                                           Дилноза Мустафоқулова тайёрлади

Фикрлар

Фикр қолдириш учун авторизациядан ўтинг!
Baxil Alihuja
23/06/2022 12:10
Катта клуб билан катта натижага эришиш мумкин. Диёра рози булгани маъкул эди. Бундан узбек футболи ютади! Узбек футболчи эркаклари эплолмаган ишни шу кизча эпласа, футболчи эркаклар уялиб коларди.