Futbolchilar Mbappeni emas, Markinosni tanladi

Luis Enrike “Pari Sen-Jermen”ni qabul qilib olganidan keyin jamoada qator o‘zgarishlar ro‘y berdi.

Xususan, yangi mavsumda jamoaga qaysi futbolchi sardorlik qilishi masalasi ham ko‘tarildi. Bu holatga ispaniyalik mutaxassis ochiq yondoshdi.

- Men jamoa uchun sardor tanlamayman. Buni o‘yinchilarning o‘zi hal qiladi. Ular shu hafta uchrashib, kelishib olishdi. Men tanlangan nomzod mening emas, jamoadagilarning sardori bo‘lishi kerak, deb hisoblayman, - dedi Luis Enrike.

Ma’lumotlarga qaraganda, PSJ a’zolarining aksariyati jamoaning asosiy yulduzi Kilian Mbappeni emas, balki Markinosni o‘zlariga etakchi sifatida ko‘rishni istab, braziliyalik futbolchiga ovoz bergan.