Футзал бўйича жаҳон чемпионати: Ўзбекистон МТЖ жойлашган гуруҳда турнир жадвалидаги ҳолат қандай? (Фото)

Литвада ўтаётган футзал бўйича жаҳон чемпионатида Ўзбекистон миллий терма жамоаси 1-турда майдонга тушди. Баҳодир Аҳмедов бошчилигидаги футзалчиларимиз "В" гуруҳида иштирок этмоқда.

Ҳамюртларимиз Гватемалага қарши баҳс юритишди. Вакилларимиз 4:1 ҳисобида ортда бораётиб, вазиятни ўнглаганди - 4:4. Аммо учрашув якунига бир неча сония вақт қолганда рақиб бешинчи голни уриб, ғалаба қозонди.

Квартетимиздаги Россия - Миср баҳсида 9:0 ҳисоби қайд этилди. Ушбу ғалабалардан сўнг Россия ва Гватемала турнир жадвалида пешқадамликни қўлга олди. Ўзбекистон ҳамда Миср кейинги поғоналарни банд этди.