Futzal bo‘yicha jahon chempionati: O‘zbekistonning Rossiyaga qarshi qaysi rangdagi libosda o‘ynashi ma’lum

Bugun Litvadagi futzal bo‘yicha jahon chempionati 2-turidan o‘rin olgan uchrashuvlar davom ettiriladi. 

O‘zbekiston milliy terma jamoasi 2-turda guruh peshqadami Rossiyaga qarshi bahs olib boradi. Uchrashuv Toshkent vaqti bilan 22:00da o‘tkaziladi. Bellashuv "Sport" kanali orqali jonli efirda namoyish qilinadi.

O‘zbekiston milliy terma jamoasi rossiyalik futzalchilarga qarshi bahsda to‘liq oq rangda maydonga tushadi, darvozabonimiz esa qora libosda harakatlanadi.

Eslatib o‘tamiz, Bahodir Ahmedov shogirdlari 1-turda Gvatemalaga 4:5 hisobida imkoniyatni boy berib qo‘ygandi. Rossiya termasi esa Misr ustidan yirik 9:0 hisobida zafar quchgan.