Futzal. Misr - O‘zbekiston uchrashuvining rasmiylari

Bugun futzal bo‘yicha Litvadagi jahon chempionati guruh bosqich bahslari davom ettiriladi. Biz uchun 3-tur uchrashuvi juda muhim ahamiyat kasb etadi.

O‘zbekiston milliy terma jamoasi ikki o‘yinda imkoniyatni boy berib turnir jadvalida oxirgi o‘rinda bormoqda. Endi bugun Bahodir Ahmedov shogirdlari 3 ochkosi bor Misrga qarsha bahs yuritadi.

Kvartetimiz peshqadami Rossiya esa Gvatemala bilan bellashadi. Ikki o‘yin ham Toshkent vaqti bilan 20:00da boshlanadi.

O‘zbekistonning Misrga qarshi uchrashuvi "Sport" telekanali orqali jonli efirda namoyish etiladi. O‘yin rasmiylari bilan tanishing:

Bosh hakam — Dario Santamariya (Argentina)

Zaxira hakami — Xuan Kordero (Ispaniya)

Ikkinchi hakam — Daniel Rodriges (Urugvay)

Uchrashuv komissari — Silviya Sergeyus (Litva)

Taymkiper — Diego Molina (Kosta-Rika)