Футзал. Ўзбекистон терма жамоаси Тожикистон билан жанговор дурангга рози бўлди

Футзал бўйича Ўзбекистон миллий терма жамоаси ўртоқлик ўйини доирасида майдонга тушди. Унда вакилларимиз қўшни Тожикистон терма жамоаси билан жанговор 4:4 ҳисобидаги дурангга имзо чекди. 

Ҳамюртларимиздан голларга Дилшод Раҳматов, Ихтиёр Ропиев, Ҳусниддин Нишонов ва Илҳом Ҳамроев муаллифлик қилди. Меҳмонлар сафида голлар Умид Қўзиев, Баҳодир Хўжаев, Идрис Ёров ва Дилшод Саломов ҳисобига қайд этилди. 

Эслатиб ўтамиз, эртага худди шу жамоалар иштирокида яна бир ўртоқлик учрашуви бўлиб ўтади.