Футзал терма жамоамиз бош мураббийи: Бу шунчаки, дўстона баҳс эди

Бироз аввал, Ўзбекистон футбол ва футзал терма жамоалари Мираброр Усмонов хотирасига бағишланган ўртоқлик учрашувида баҳс олиб борганидан хабардорсиз. Ушбу ўйинда ғалаба қозонган футзал терма жамоаси бош мураббийи Баҳодир Аҳмедов ўйин хусусида қуйидаги фикрларни билдириб ўтди:

"Ўзбекистон миллий терма жамоаси жуда яхши ўйин намойиш этди. Учрашув биз учун қийин ўтди. Шунга қарамай, ғалаба қозонишга муваффақ бўлдик. Энг асосийси, мухлислар хурсанд бўлди. Бизга энг кераги мана шу. Бу шунчаки дўстона баҳс эди. 

Мираброр Зуфаровичнинг ўзбек футболига қўшган ҳиссасини таърифлаш қийин. Футболимизнинг барча тармоқларига жуда катта меҳрларини бахш этганлар. Хусусан, футзалимизнинг бутун дунёга танилишида бу инсоннинг ўрни катта бўлди", - деди Баҳодир Аҳмедов.