Fyodorovning aytishicha, OChL doirasidagi durangdan shogirdlari o‘zlarini yo‘qotib qo‘yishmagan va shuning uchun bugun g‘alaba qozonishibdi

Superliganing 6-turi doirasida “Lokomotiv” – “Qizilum” (3:1) uchrashuvidan keyingi matbuot anjumanida mezbonlar ustozi Andrey Fyodorov qatnashdi. Bu haqda klub matbuot xizmati xabar berdi.

– G‘alaba bilan tabriklayman. O‘yin qiyin bo‘ldi. OChLdagi durangdan keyin yigitlar o‘zini yo‘qotib qo‘ymadi. Ular xarakter ko‘rsatishdi. Futbolchilarim o‘yinni nazorat qila olishdi. Ha, tezkor goldan keyin o‘yin surati o‘zgarib ketdi. Ammo ayta olaman, uchrashuv bizning ustunligimiz ostida o‘tdi va shu boisdan g‘alabaga erishdik, - dedi murabbiy.