Габриэль фаолиятини "Ан-Наср"да давом эттириши мумкин

"Арсенал" вингери Габриэль Мартинелли фаолиятини Саудия Арабистонида давом эттириши мумкин.

Лондоннинг "Арсенал" клуби вингери Габриэль Мартинелли яна Саудия Арабистони чемпионати вакилларининг радарига тушди. Риёднинг "Ан-Наср" клуби футболчи учун асосий даъвогар ҳисобланади. Хабарларга кўра, "канонирлар" 24 ёшли футболчини сотиб юборишга қарши эмас ва жамоа директори келаси мавсум олдидан янги вингер топишни режалаштирмоқда. Мартинелли ўтган ёзда ҳам Саудияга йўл олиши мумкин эди, бироқ у Европада қолишни танлаган эди. Футболчи Жаҳон чемпионатидан сўнг қарорини ўзгартириши ёки йўқми буниси номаълум.

Маълумот учун, Мартинеллининг "Трансфермаркт" порталидаги нархи 45 миллион еврони ташкил этади.