"Галатасарой" мураббийига ташланган Мауриньо жазоланди

"Фенербахче" бош мураббийи Жозе Моуриньо "Галатасарай"га қарши кубок учрашувидан кейин қилган ҳаракати учун жазога тортилди. Португалиялик мутахассис “шерлар” устози Окан Бурукнинг бурнидан ушлаб тортган эди.

Журналист Ягиз Сабунчуоғлунинг ижтимоий тармоқлардаги хабарига кўра, Моуриньога учта ўйинга дисквалификация жазоси берилди. Бурукнинг ҳаракатлари ва баёнотлари эса провокацион деб баҳоланган, шу сабабли жазо нисбатан енгил бўлди.

Айни дамда "Фенербахче" Туркия чемпионатининг турнир жадвалида иккинчи ўринни эгаллаб турибди. Моуриньонинг жамоаси бир ўйин кам ўтказган ҳолда, "Галатасарай"дан олти очкога ортда қолмоқда.