"Галатасарой"нинг юлдуз футболчиси бугун "Реал"га қарши майдонга тушмаслиги мумкин

"Галатасарой" клуби форварди Радамель Фалькао бугун Чемпионлар лигаси гуруҳ босқич 3-туридан ўрин олган "Реал"га қарши ўйинни ўтказиб юбориши мумкин.

A Bola тарқатган хабарга қараганда колумбиялик футболчи жароҳат сабаб жамоанинг кечаги машғулотларида иштирок этмаган.

Маълумот учун, 33 ёшли Фалькао “Галатасарой” сафига ёзда “Монако”дан кўчиб ўтган эди. У жорий мавсум истанбулликлар сафида 5 та ўйинда майдонга тушди ва бор йўғи 1 та гол уришга эришди.

Эслатиб ўтамиз, “Галатасарой” – “Реал” учрашуви бугун Тошкент вақти билан соат 00:00 да бошланади.