Ғалати факт. Ҳар гал “Реал” чемпион бўлганида, “Барса” етакчи юлдузларини йўқотмоқда
Испаниянинг Marca нашри ўз ўқувчилари эътиборини ғалати фактга қаратди. Унга кўра, “Реал” сўнгги тўртта чемпионлигини қўлга киритган йилларда “Барселона”ни юлдуз даражасидаги футболчилар тарк этган экан.
Хусусан, мадридликлар Ла Лига ғолибига айланган 2008 йилда Роналдиньо ва Франк Райкард, 2012 йилги мавсумда Хосеп Гвардиола, яна беш йилдан сўнг Неймар “Барселона”дан кетган.
Бу гал каталонияликлар чемпионлик соврини билан бирга ўз тарихидаги энг зўр тўпурар Лионель Мессидан айрилмоқда. Месси қаторига жамоадан кетказилаётган Луис Суарес, Иван Ракитич, Артуро Видаль ва бошқа қатор футболчиларни ҳам қўшиш мумкин.
Comments