Ганалик футболчини АПЛ чемпиони сотиб олмоқчи

"Ливерпуль" "Борнмунт" жамоаси сафида сермаҳсул ўйин кўрсатётган Антуан Семеньо билан шартнома имзолашга тайёргарлик кўрмоқда.

"ТEAMtalk" нашри берган маълумотларга кўра, "мерсисайдликлар" ганалик ҳужумчи учун 70 миллион евродан воз кечишга тайёр. Бундан ташқари, футболчига "Тоттенхэм" ва "Манчестер Юнайтед" жамоалари ҳам қизиқиш билдирмоқда.

25 ёшлик футболчининг ҳозирда "Трансфермаркт" порталидаги нархи 55 миллион еврони ташкил этади. 

Маълумот учун, Бу мавсум Антуан "Борнмунт" сафида 12 та учрашувда майдонга тушиб, 6 та гол киритган ва 3 та голли узатмани амалга оширган. Семеньо 2018 йилдан бери АПЛда ўйнаб келади. У "Бристоль Сити" ва "Сандерленд" жамоаларида ҳам тўп тепган.