Гарет Бэйл: Агар "Реал" кетишимни хоҳласа, марҳамат қилиб 51 млн евро тўлаб қўйсин. Акс ҳолда...

"Реал" Мадрид клуби вингери Гарет Бэйл раҳбариятга жамоадан кетиш борасидаги талабини маълум қилди.

“Менинг шартномам яна 3 йилга амал қилади. Агар клуб менинг кетишимни хоҳласа, марҳамат қилиб 51 млн евро тўлаб қўйсин. Акс ҳолда мен жамоада қоламан. Агар шартномам тугашига қадар фақат гольф ўйнашим керак бўлса, ўйнайман”, - дейди 29 ёшли уэльслик футболчи.

Маълумот учун, Бэйл жорий мавсум “Реал” сафида жами 42та ўйинда иштирок этди ва ўз ҳисобига 14та гол ҳамда 6та голли узатма ёздириб қўйишга эришди.