Garovda yutqazgan Vinisius pulni bermadi

Ispaniya chempionatining 30-turida “Real” futbolchilari o‘z muxlislari ko‘z o‘ngida “Valensiya”ga 1:2 hisobida yutqazib qo‘ydi.

Raqib darvozaboni Georgiy Mamardashvili uchrashuv davomida Vinisius Junior bilan garov boylaganini aytdi. 13-daqiqada braziliyalik futbolchi penalti tepgan. Darvozabon uni qaytara olishini aytib, hujumchi bilan garov o‘ynagan.

- Vinisius bilan penaltidan gol urolmasligini aytib, 50 evroga garov o‘ynadik. U menga pulni bermadi, - dedi penaltini qaytargan darvozabon Georgiy Mamardashvili.

Vinisiusning 11 metrlik nuqtadan yo‘llagan zarbasini Mamardashvili qaytardi. Keyingi hujumda “Valensiya” vakillari gol urishga erishdi. Garchi braziliyalik yulduz ikkinchi bo‘limda hisobni tenglashtirgan bo‘lsa-da, mehmonlar so‘nggi daqiqalarda ikkinchi to‘pni kiritib, g‘alabani ilib ketdi.