Gattuzo faoliyatini Frantsiyada davom ettirishi mumkin

Xabaringiz bor, "Lion" Loran Blanni o‘z lavozimidan ozod qildi. Klub endilikda uning o‘rniga yangi murabbiy izlamoqda. Variantlar orasida Jennaro Gattuzo ham bor deya xabar bermoqda insayder Di Martsio. 

Jurnalistning so‘zlariga ko‘ra, tomonlar o‘rtasida muzokaralar davom etmoqda va italiyalik mutaxassis Frantsiya jamoasida ishlash ehtimoli yuqori. 

"Lion" oldinroq Grem Potterga taklif bilan chiqqani va rad javobini olgani borasida mish-mishlar mavjud. 

Eslatib o‘tamiz Gattuzo so‘nggi bor "Valensiya"ga ustozlik qildi. "Ko‘r shapalaklar" yomon natijalar sabab uni shu yilning yanvar oyida bo‘shatgandi. Murabbiy o‘shandan beri ishsiz yuribdi.