Гаттузо "Милан"даги собиқ шогирдини "Наполи"га олиб келмоқчи

“Милан” ярим ҳимоячиси Франк Кессиэ фаолиятини “Наполи”да давом эттириши мумкин. Бу ҳақда италиялик журналист Николо Скира хабар тарқатмоқда.

Юқоридаги манбаага қараганда неаполликлар аллақачон 22 ёшли ивуарлик футболчи билан бу борада алоқага чиқишган. Қайд этиш лозимки уни “Наполи”да шахсан жамоанинг янги устози Женнаро Гаттузо кўришни хоҳламоқда.

Эслатиб ўтиш керакки, Кессиэ ўз вақтида “Милан”да Гаттузо қўл остида тўп сурган.

Ўз навбатида агар таклиф маъқул келса “россонерилар” Кессиэни қўйиб юборишга тайёр.

Маълумот учун, Кессиэ жорий мавсум А Серияда 13 та ўйинда майдонга тушди ва 1 та гол урди.