Гаттузо "Рома"ни бошқариши мумкин

"Милан" клуби бош мураббийи Женнаро Гаттузо "Рома" бош мураббийлигига номзодлардан бири сифатида эътироф этилмоқда.

Leggo нашри тарқатган хабарга кўра 41 ёшли мутахассисни “Рома” клуби техник директори бўлишни мақсад қилаётган Франческо Тотти Римга олиб келмоқчи.

Бироқ, Гаттузо “бўрилар”ни фақатгина “Милан” бош мураббийлигидан истеъфога чиқарилган тақдирдагина бошқариши мумкин.

Эслатиб ўтамиз, "Рома" март ойи бошида Эусебио Ди Франческони ишдан олиб, унинг ўрнига Клаудио Раньерини тайинлаган эди.