Гаттузо янги мавсумни А Сериянинг бошқа жамоасида бошлаши мумкин

"Фиорентина" клуби раҳбарияти бош мураббий лавозимига Женнаро Гаттузони жалб этишни режалаштирмоқда. Бу ҳақда италиялик журналист Николо Скира хабар тарқатмоқда.

"Бинафшаранглилар" мавсумлар оралиғида бош мураббийни ўзгартиришмоқчи. Улар ушбу лавозимга айнан "Милан" афсонасини муносиб кўрмоқда.

43 ёшли Гаттузо айни дамда "Наполи"ни бошқармоқда. Унинг неаполликлар билан амалдаги шартномаси ёзда ўз ниҳоясига етади ва катта эҳтимол билан ушбу келишув узайтирилмайди.

Ҳозирда "Фиорентина"да Жузеппе Якини бош мураббий ҳисобланади. Унинг бошқарувидаги жамоа 30 турдан сўнг А Серия мусобақа жадвалида 15-ўринда бормоқда.