Гаттузонинг "Наполи"да соврин ютиши учун 17 та ўйин етарли бўлди

Кеча “Наполи” Италия кубоги финалида “Ювентус”ни енгиб, бош совринни қўлга киритди.

Эътиборлиси, “Наполи” бош мураббийи Женнаро Гаттузо ушбу жамоада соврин қўлга киритиш учун бор йўғи 17 та ўйин кифоя қилди холос. Бу 42 ёшли мутахассиснинг бош мураббий сифатидаги илк соврини сифатида ҳам тарихга кирди.

“Наполи” финалга қадар «Перужа» (2:0), «Лацио» (1:0) ва «Интер» (1:0, 1:1) каби жамоаларни мағлубиятга учратган эди.