Гави Винисиус билан бўлган можаро ҳақида фикр билдирди

“Барселона” ярим ҳимоячисига таъкидлашича, бразилиялик футболчи бутун учрашув давомида фаол тарзда баҳслашган ва худди “Реал” ўйин тақдирини ўзгартириши ҳақида гапирган

Гавининг айтишича, финал ҳуштагидан кейин у рақибига таблодаги ҳисобни эслаб ўтишни лозим топган. Шунингдек, футболчи Винисиусга кескин тарзда мурожаат қилганини ҳам яширмади.

"Мен унга оғзингни ёп дедим. Холос", — деди Гави.

Маълумот учун, мазкур учрашувда каталонияликлар "Реал Мадрид"ни 2:0 ҳисобида мағлуб этди. Голларга Маркус Рэшфорд ва Ферран Торрес муаллифлик қилди. Бу ғалаба жамоага Ла Лига чемпионлигини муддатидан аввал расман таъминлаб берди.