Germaniyalik hujumchini Turkiya klubi o‘z tarkibiga qo‘shib olmoqchi

"Leyptsig"ni tark etishi kutilayotgan Timo Vernerga bir nechta klublardan takliflar kelmoqda. Xususan, unga Turkiyadan qiziqishlar bor. 

"Fanatik" nashri xabar berishicha, germaniyalik hujumchini "Fenerbaxche" jamoasi kuzatib bormoqda. Istanbulliklar uni qishda o‘z tarkibiga qo‘shib olishi mumkin. Vernerni APLning ayrim klublari ham  ijaraga olishni rejalashtirmoqda. "Kristal Pelas" va "Fulxem" Timoni uchun kurashda bor. 

Eslatib o‘tamiz, 27 yoshli futbolchi ushbu mavsum "Leyptsig" tarkibida 13 ta o‘yinda maydonga tushib, 3 ta golda ishtirok etdi. 

"Fenerbaxche" yozgi transferlar oynasida faol bo‘ldi. Jamoa Dushan Tadich, Edin Jeko, Fred, Jengiz Under va Dominik Livakovich kabi o‘yinchilar bilan shartnoma imzoladi.